الوجة الأخر للحاقدين على تامر حسنى , حرب هنقف فيها معاك ياتامر

--------------------------------------------------------------------------------

بكل بساطة سايتات كتيرة اوى عايزة تجمع كل كارهى تامر
عاملين رابطة كارهى تامر و سايت لا لتامر حسنى
وحاجات كتير مالهاش اى لازمة
ولا عمرها هتاثر علينا ولا على تامر
عشان تامر بيرد على الناس دى بشغلة ونجاحاتة وايراداتة وتميزة
واحنا بنرد عليهم بالتجاهل , بس المرة دى ماقدرتش اسكت
فرحتى زادت ان السايتات دى كترت
لما يوصلنى لينك لسايت جديد فية كارهى تامر و الكلام الفاضى دة
دة معناة ان تامر نجح ناجح ماحدش وصلة قبل كدة
والنفسنة والكرة وصلوا لناس انهم عايزين يشتهروا
والسبيل الوحيد للشهرة دى انهم يمشوا عكس التيار
احنا مش بنحب تامر ولا معاة ولا عايزينة يبقى مطرب
كل دة كلام فى الهوا ولا حد بيسمعة ولا حد بيصدقة
ناس احترفت اطلاق الاشاعات على تامر
وفن الكتابة بحيث يطلعوا حب تامر من قلوبنا
بس للأسف ياجماعة فى ناس مننا بتساعد الناس دى وهما مش واخدين بالهم
لما نسجل ونقرا و دمنا يتحرق هو دة اللى هما عايزينة وهو دة اقصى امل ممكن يحصلهم
وبردو من اسباب سعادتى بالسايتات دى انها بتخلينا ايد واحدة
وبنحس بالحروب اللى تامر شافها فى حياتة و الظلم واد اية تعب وعانى ومازال
طب احنا نعمل اية عشان نقضى على الناس دى
اول حاجة نساند تامر فى كل التصويتات و الاستفتاءات
ونبقى معاة فى كل الحفلات و نكدب الأشاعات اللى بتطلع علية على اد ما نقدر
وموقعة الرسمى يبقى المرجع الرئيسى لينا فى اخبار تامر والميديا بتاعتة
واى رسالة توصل لتامر او تامر حابب يوصلهالنا
تامر يستاهل نقف جنبة عشان علاقتنا بية مش علاقة اتنين مايعرفوش بعض
لا كل واحد فينا ربنا زارع فى قلبة حب تامر كانة اخوة او قريبة او حد من اهلة
احترام و حب و تقدير و نجاح دة احنا رابطة تامر وكل واحد بيحب تامر فى الدنيا
كرة , عدم احترام , نية وحشة , حقد , دول كارهى تامر حسنى بشكل عام
الناس دى ما بتنامش مع اى حاجة جديدة ايجابية احنا نعملها
تامر اللى علا احساسنا وحسسنا بعيد الحب فى قولى بحبك بصوت عالى
تامر اللى حسسنا بعيد الأم فى امى ثم امى ثم امى
تامر اللى كنا بنفطر و نتسحر على الدعاء الدينى بتاعة وبنتابع برنامج عمرو خالد على صوتة فى التترات
تامر اللى الكل بيقلدة وبيغيروا منة
تامر اللى كتير نفسهم يتغيروا من جواهم بجد ويرقوا احساسهم ويعاندوا ويشتغلوا بجد
عشان يبقوا زى تامر
تامر اللى عرفنا على بعض و اتجمعنا هنا فى السايت على اسمة
وكل خير بنعملة او ميتنج او توبيك ونفرح بية , بيبقى سببة الراجل دة
مواقع كتير فى توقيعاتها Proud To Hate Tamer Hosny
(فخور لأنى أكرة تامر حسنى)
والأدارة سايبة كل دة و الحياة ماشية عادى
بس عشان تامر موصينى و معودنا كلنا على احترام الغير
احنا مانقدرش نقلدهم ولا نعمل زيهم ولا نديهم اى اعتبار
ماينفعش نرد السيئة بالسيئة
بس نقدر نموتهم بوقفنا مع تامر و مقاطعتنا ليهم
معاك معاك معاك يا تامر
احنا هنا عشان انت تركز فى شغلك وتبدع اكتر
واحنا اللى نرد على اللى بيكرهوك ونوريهم ان وراك رجالة و بنات جدعين اوى
ومش موقع او اى كلام يقدر يبعدهم عنك
ربنا يقدرنا عليهم
والأخلاص والحب والعقل والنجاح
يغلبوا
الحقد والكرة والتفاهة والفشل
بنحبك ياتامر